भोजपुरी गीत_ प्यार के हप्ता।

श्याम कुंवर भारती

Add To collaction

भोजपुरी गीत_ प्यार के हप्ता।

प्यार के हप्ता संग दूजे ना मनइहा गोरी निहोरा करी।

नाजुक दिल हमरो ना दुखाईहा गोरी निहोरा करी।

सालन से लागल जान हमरो तोहसे सनेहिया।

कारी अंखियां से लडल हमरो नजरिया।

अंखियां में गैर के ना बसईहा गोरी निहोरा करी।

प्यार के हप्ता..................।

आइल प्यार के हफ्ता देखी दिनरात तोहरो हम रास्ता।

प्रपोज डे के दिन मिले ना अइलु भईल गुलाब बड़ा खस्ता।

वेलेटाइन डे के दिनवा हमके जिन भुलईहा गोरी निहोरा करी।

प्यार के हप्ता............।

देइब दिल के तौफा कबूल तू करिहा जरूर ।

नैना मिला के तनी मुस्का के बहिया में भरीहा जरूर।

नैना में भरी के अपने दिलवा बसईहा गोरी निहोरा करी।

प्यार के हप्ता संग दूजे ना मनइहा गोरी निहोरा करी।

गीतकार

श्याम कुंवर भारती (राजभर)

बोकारो, झारखंड

मोब.9955509286